أي أي ما اسخنها الدنيا... أوووف ملا سخانة...نار ... عافية شاعلة ... والعرق والعرق والعرق ... أنا نعرق برشة تقولش علي عراق ... تنجموا تسميوني سي العراق ... تي من العرق عملت صحاف صحاف ... بكلي إنز ... لو كان جاء بترول راني أغنى عراق في العالم ... أما هكاكة ماشي خسارة ... منيش أنا إلي مستنفع بيه رغملي أنا إلي عرقت عليه لعرق متاعي لين محسوب عدكم سميتوني لعراق وإلا صحافي لعراق...
مرة مشيت إلتونس العاصمة ... عندي رونديفو في باب لعلوج ... نهارتها نهار بالعرق والصحافي تعباو ... والعلج صاحبي إلي عامل معاه الرنديفو راقدلي حلفة في الدورة...وقتها قلت بيني وبين روحي : ها العلج ما عادش انصوحبو ... لا عاد نشرب كوكتو ولا نتكيف المارلبورو متاعو ... على بلادتو نشد في العشرين مارس متاعي لخفيف ونشرب صابرين ... يخليني هكاكة في باب لعلوج وهو في الدورة عامل شاطح باطح ... قائلة حرفة ... الدنيا مبوزة وكوبل تحت الحيط في باب لعلوج يقصرو في الوقت وإلا يبردو في القايلة ببوش بوش وحاقريني أنا وعرقي وصحافي إلي تملاو ... كونش عزيز عليها ياسر الطفلة تبوش فيه تحت تصويرة طارق ذئاب تحت حيط في باب لعلوج هكاكة جهار نهار ... زعمة مش شالقين بي نخزرلهم وإلى شالق بيهم؟ بالكش وقتها غارق أنا في العرق متاعي؟ الله أعلم ... ثبت أنا في البوش متاع الطفل قلت زعمة بالكش فيه حاجة سبسيال بوشو ... إخيت ... هذاكة بوش يتباس يا رسول الله ... سنين خارجة ... ريقة سايلة ... دراقولا على حالو ... مصاص دماء من البريمة ... أنا في بلاصتها نبزق عليه وما انبوسش بوش كيما هكة ... أما الله غالب للناس فيما يعشقون مذاهب ... الله يذهب شيرتها بنت لحرام...
توة راهي القعدة في باب لعلوج في قايلة حنا نية مهياش باهية برشة على خاطر إضافة للكوبل متاع البوش أ بوش فمة واحد بليد يهز من لوطة للفوق ويقحر لي ودمو بارد انقليز ... اشعندي فيه أنا المهم يخليني رايض ... اشبيه يقحرلي ... ماعجبوش كوني عراق؟ وإلا عندو مشروع بالعرق متاعي، زعمة يسخايبو بترول كيما أنا تمنيتو ... اشبيه ماعنديش الحق نحلم أنا بالعرق متاعي أنا ... بالكش يبصر معايا؟ ... إذا كان هكة ما يساعدنيش ... منين يعرفني؟ واش جابوللي؟ ها البصرة هاذي متاعاش يعملها لي؟ بالكش زعمة على خاطر دمو بارد انقليزها البلييد...
توة يرهنيشي هنا ها العلج صاحبي في باب لعلوش ويربطني بيه وبمصالحو وانضيع أنا مصلحتي ... ملا رمز فالت ها العلج؟ بالكش يسخايب إلي أنا ملوح وإلا شوية ... اشبيه حاقرني ومخليني هكة أموري داخلة بعضها عروقاتي شرتلة والحشرات تهاجم في من كل شيرة ... توة الرنديفو هذايا ماهوش لول إلي نتورط هكة فيه وما يجينيش إلي مرندفو... حتى كي شكلت بنت الكوندي الرايس... الرايس متاع كوشتنا خلاتني وحقرتني ومشات ... مشي في بالي أنا مزيان ولاباس علي تو تجيني من لوطة وتبشبش بي مع هي مسودة وجلغتها كبيرة وطولها شبرين وحارة وماجات شيء... ياخي حسبتي طلعت غالطة وطلعت على بركة عظيمة ... كي جيت إنلوم فيها سمعتني لكلام وقاتلي ما انجيك إلا ما انفركسك وانشوف عندكش حاجات مش باهية ونسأل عليك المفتشين ... قلتلها راني ماعندي شيء ... برا اسأل المفتشين متاع المركز إلي في حومتنا ... ياخي بعثتلي مفتشين من مركز حومتها فتشوني وسألو علي ومالقاو شيء ... وهي باقي وتقلي: تي لاعندك أما يالندري وين مخبيهم ... أنا ما نعرفش اشكونو ولد الحرام إلي طلع في هاالطليعة هاذي وإلي عندي حاجة مخبيها... صحيح كان عندي حاجات قبل عطاهملي بوها خاطر كانت عندو مصالح معايا أما لوحتهم أنا خاطرني منحبش المشاكل...
المشاكل أنا هارب منها وهي تبع في ... تبدا نيتي طيبة ونحب انحسن علاقاتي أما الله غالب شادين في غلطاتي لقديمة رغملي هو ما إلي لزوني عليها... يحرشو في انهار الكل على جيراني ... حرشوني على جاري لول مازال كي عمل دار جديدة وبدا يركح في أمورو لين عيفتو في حياتو وقالي ماينة ليك ... أما كي حرشوني في جاري الثاني وعملت عملتي معاه دارو علي الكل وعطاوني طريحة نباشة لقبور وولتلهم الشعرة منو بألف رقبة وحصروني وقصوا علي الماء والضوء والتليفون... وانهار الكل يسبو في وماخلاونيش نخرج من داري... حتى كي ضربهم مرة واحد آخر وعمل فيهم شاطح باطح دارو علي أنا وقالولي إنت إلي تمول فيه وتحرش فيه حلفتلهم بإيمانات الدنيا والدين إلي أنا خاطيني ماحبوش يامنوني ... قالولي انت إلي بعثتو وها البعث متاعك إلا مانحيوهولك ... قلتلهم أنا راني ماانحبش الصدمات معاكم نحب انعيش وانربي الريش ونفرهد عيلتي ... قالولي لا إنت هكة من أصلك بلابزي وصدام على العباد وما تتربى إلا مانصدمو عليك احنا وننقطعولك دابرك...
والله أنا توة خايف على دابري على خاطرهم باندية وما يعرفوش ربي ... لا يحترمو قانون ولا يأخذو بخاطر حتى حد ... الناس الكل شارينهم بفلوسهم وإلي يحبو يعملوه يعملوه ... الله يقطع دابرهم ما يكيدهم شيء ... متملحين من الناس الكل... جلدي مالح من العرق... لبلييد العلج إلي نستني فيه عملهالي قبل في نهج فلسطين ... قالي لبلاصة إلي نعتني عليها ماانجم انجيها كان من شارع الحرية ... وأنا منجمش انشق شارع الحرية باش اندخل لنهج فلسطين... قتلو علاش؟ أما أسهلك شارع الحرية قصة واحدة وإلا تقعد ادور من بلاصة لبلاصة باش تخلط ...
قالي: فمة جماعة مايحبونيش نتعدى من غادي ومحرمين علي شارع الحرية على خاطر يسالوني حاجات وعاملين علي مزايا اد ماانحبش نعكسهم... إيه عاد تعكسني أنا وتخليني ملوح غادي ... حلفلي بالأيمانات السبعة وقالي تاو نتفاهم معاهم اجماعة ونعمل خارطة طريق تشق شارع الحرية من غير ما نتعدى قدامهم وتوصل إلنهج فلسطين...
على مرتين بش نمرق رفيه أنا على بلادتو وفازتو أما الله غالب المونوبل الكل بيدو ومصالحي هو إلي يتحكم فيها ... ها وزاد عمل في عملتو وخلاني في باب لعلوج عارق وصحافي معبين وزوز علوجيعملو في بوش أ بوش تحت تصويرة طارق ذئاب...
نقعدش فين انطيح في مشكل نستنى فيه أنا ها العلج ... علاش مااندبرش راسي مع ولاد عمي وانشوفهم بالكش نلقى عندهم هوما الحل متاع البروبلام متاعي...
أولاد عمي يرزيني فيهم حتى هوما بمشاكلهم ساعات انلمهم باش يحلولي مشكلتي وولا مشكلة واحد من الفاميليا يدخلو بعضهم ويدوروا على بعضهم ويقطعوا ويريشوا بعضهم ...ينساو علاش ملمومين وويكثروا من التخرنين ، ينساو مشكلتك ويجيبو مشاكلهم مع بعضهم وبرا عاد اش بش يفصلها بيناتهم... وبيناتنا أك العلج إلي نستنى فيه هو سبب البلاء فين يسمع بينا بش نتلموا يكثر من التليفونات ويبعث واحد إلى أولاد عمي يملالهم قلوبهم ويوصيهم ويكذب عليهم باش مانتفاهموش على خاطر إذا تفاهمنا اتباصى هو وجماعتو ... هذاكة علاش أنا وولاد عمي مانجمنا نتفاهمو كان على حاجة برك... قلي اشنية ... تي طلع تربح ... ساهلة ياسر راهي... تفاهمنا على كوننا مانتفاهمو في شيء واحنا نحمدو ربي على المفاهمة هاذي على خاطر من غيرها نقعدو ديما مناش متفاهمين في حتى شيء ... ولاد عمي الكثرة وقلة البركة لا ناقصهم مال ولا أصل ولا قوة أما البونتوات والحكايات الفارغة مفرقتهم وزيد دخلوا البراني بيناتهم زادهردها وخلاوهم هكاكة النفس لا إلي يحب يكبر ويقري وليداتو ويتلنصى يقصلو جوانحو إلى يحب يتخلص منو ويريقل أمورو وحدو وإلا يعمل شركة هو وواحد وإلا اثنين من ولاد عمو يبلبزلو الحسبة ويفرقلو اللمة... بلي عملو مانجموا يعملو شيء على خاطرهم في الأصل متورطين معاهم ومسلفهم فلوس ويعطي فيهم في العلفة عام الزمة... أما إنشاء الله وليداتهم يعملوا على أرواحهم وينظفوا ديارهم ويتلموا مع ولاد عمهم على الخير باش ينجمو يعيشو من غير ها العلج إلي نستنى فيه... وأنا علاش نستنى في ها القايلة الحنانية حتى من الناس ولات تتلسن علي ... أيا نمرق فيه وخلي إلي بش يصير يصير واله لا ترد فاس على هراوة وإلي قاعد نستنى بيه في باب العلولج نمشي نعمل بيه قهوة في باب الشهداء
مرة مشيت إلتونس العاصمة ... عندي رونديفو في باب لعلوج ... نهارتها نهار بالعرق والصحافي تعباو ... والعلج صاحبي إلي عامل معاه الرنديفو راقدلي حلفة في الدورة...وقتها قلت بيني وبين روحي : ها العلج ما عادش انصوحبو ... لا عاد نشرب كوكتو ولا نتكيف المارلبورو متاعو ... على بلادتو نشد في العشرين مارس متاعي لخفيف ونشرب صابرين ... يخليني هكاكة في باب لعلوج وهو في الدورة عامل شاطح باطح ... قائلة حرفة ... الدنيا مبوزة وكوبل تحت الحيط في باب لعلوج يقصرو في الوقت وإلا يبردو في القايلة ببوش بوش وحاقريني أنا وعرقي وصحافي إلي تملاو ... كونش عزيز عليها ياسر الطفلة تبوش فيه تحت تصويرة طارق ذئاب تحت حيط في باب لعلوج هكاكة جهار نهار ... زعمة مش شالقين بي نخزرلهم وإلى شالق بيهم؟ بالكش وقتها غارق أنا في العرق متاعي؟ الله أعلم ... ثبت أنا في البوش متاع الطفل قلت زعمة بالكش فيه حاجة سبسيال بوشو ... إخيت ... هذاكة بوش يتباس يا رسول الله ... سنين خارجة ... ريقة سايلة ... دراقولا على حالو ... مصاص دماء من البريمة ... أنا في بلاصتها نبزق عليه وما انبوسش بوش كيما هكة ... أما الله غالب للناس فيما يعشقون مذاهب ... الله يذهب شيرتها بنت لحرام...
توة راهي القعدة في باب لعلوج في قايلة حنا نية مهياش باهية برشة على خاطر إضافة للكوبل متاع البوش أ بوش فمة واحد بليد يهز من لوطة للفوق ويقحر لي ودمو بارد انقليز ... اشعندي فيه أنا المهم يخليني رايض ... اشبيه يقحرلي ... ماعجبوش كوني عراق؟ وإلا عندو مشروع بالعرق متاعي، زعمة يسخايبو بترول كيما أنا تمنيتو ... اشبيه ماعنديش الحق نحلم أنا بالعرق متاعي أنا ... بالكش يبصر معايا؟ ... إذا كان هكة ما يساعدنيش ... منين يعرفني؟ واش جابوللي؟ ها البصرة هاذي متاعاش يعملها لي؟ بالكش زعمة على خاطر دمو بارد انقليزها البلييد...
توة يرهنيشي هنا ها العلج صاحبي في باب لعلوش ويربطني بيه وبمصالحو وانضيع أنا مصلحتي ... ملا رمز فالت ها العلج؟ بالكش يسخايب إلي أنا ملوح وإلا شوية ... اشبيه حاقرني ومخليني هكة أموري داخلة بعضها عروقاتي شرتلة والحشرات تهاجم في من كل شيرة ... توة الرنديفو هذايا ماهوش لول إلي نتورط هكة فيه وما يجينيش إلي مرندفو... حتى كي شكلت بنت الكوندي الرايس... الرايس متاع كوشتنا خلاتني وحقرتني ومشات ... مشي في بالي أنا مزيان ولاباس علي تو تجيني من لوطة وتبشبش بي مع هي مسودة وجلغتها كبيرة وطولها شبرين وحارة وماجات شيء... ياخي حسبتي طلعت غالطة وطلعت على بركة عظيمة ... كي جيت إنلوم فيها سمعتني لكلام وقاتلي ما انجيك إلا ما انفركسك وانشوف عندكش حاجات مش باهية ونسأل عليك المفتشين ... قلتلها راني ماعندي شيء ... برا اسأل المفتشين متاع المركز إلي في حومتنا ... ياخي بعثتلي مفتشين من مركز حومتها فتشوني وسألو علي ومالقاو شيء ... وهي باقي وتقلي: تي لاعندك أما يالندري وين مخبيهم ... أنا ما نعرفش اشكونو ولد الحرام إلي طلع في هاالطليعة هاذي وإلي عندي حاجة مخبيها... صحيح كان عندي حاجات قبل عطاهملي بوها خاطر كانت عندو مصالح معايا أما لوحتهم أنا خاطرني منحبش المشاكل...
المشاكل أنا هارب منها وهي تبع في ... تبدا نيتي طيبة ونحب انحسن علاقاتي أما الله غالب شادين في غلطاتي لقديمة رغملي هو ما إلي لزوني عليها... يحرشو في انهار الكل على جيراني ... حرشوني على جاري لول مازال كي عمل دار جديدة وبدا يركح في أمورو لين عيفتو في حياتو وقالي ماينة ليك ... أما كي حرشوني في جاري الثاني وعملت عملتي معاه دارو علي الكل وعطاوني طريحة نباشة لقبور وولتلهم الشعرة منو بألف رقبة وحصروني وقصوا علي الماء والضوء والتليفون... وانهار الكل يسبو في وماخلاونيش نخرج من داري... حتى كي ضربهم مرة واحد آخر وعمل فيهم شاطح باطح دارو علي أنا وقالولي إنت إلي تمول فيه وتحرش فيه حلفتلهم بإيمانات الدنيا والدين إلي أنا خاطيني ماحبوش يامنوني ... قالولي انت إلي بعثتو وها البعث متاعك إلا مانحيوهولك ... قلتلهم أنا راني ماانحبش الصدمات معاكم نحب انعيش وانربي الريش ونفرهد عيلتي ... قالولي لا إنت هكة من أصلك بلابزي وصدام على العباد وما تتربى إلا مانصدمو عليك احنا وننقطعولك دابرك...
والله أنا توة خايف على دابري على خاطرهم باندية وما يعرفوش ربي ... لا يحترمو قانون ولا يأخذو بخاطر حتى حد ... الناس الكل شارينهم بفلوسهم وإلي يحبو يعملوه يعملوه ... الله يقطع دابرهم ما يكيدهم شيء ... متملحين من الناس الكل... جلدي مالح من العرق... لبلييد العلج إلي نستني فيه عملهالي قبل في نهج فلسطين ... قالي لبلاصة إلي نعتني عليها ماانجم انجيها كان من شارع الحرية ... وأنا منجمش انشق شارع الحرية باش اندخل لنهج فلسطين... قتلو علاش؟ أما أسهلك شارع الحرية قصة واحدة وإلا تقعد ادور من بلاصة لبلاصة باش تخلط ...
قالي: فمة جماعة مايحبونيش نتعدى من غادي ومحرمين علي شارع الحرية على خاطر يسالوني حاجات وعاملين علي مزايا اد ماانحبش نعكسهم... إيه عاد تعكسني أنا وتخليني ملوح غادي ... حلفلي بالأيمانات السبعة وقالي تاو نتفاهم معاهم اجماعة ونعمل خارطة طريق تشق شارع الحرية من غير ما نتعدى قدامهم وتوصل إلنهج فلسطين...
على مرتين بش نمرق رفيه أنا على بلادتو وفازتو أما الله غالب المونوبل الكل بيدو ومصالحي هو إلي يتحكم فيها ... ها وزاد عمل في عملتو وخلاني في باب لعلوج عارق وصحافي معبين وزوز علوجيعملو في بوش أ بوش تحت تصويرة طارق ذئاب...
نقعدش فين انطيح في مشكل نستنى فيه أنا ها العلج ... علاش مااندبرش راسي مع ولاد عمي وانشوفهم بالكش نلقى عندهم هوما الحل متاع البروبلام متاعي...
أولاد عمي يرزيني فيهم حتى هوما بمشاكلهم ساعات انلمهم باش يحلولي مشكلتي وولا مشكلة واحد من الفاميليا يدخلو بعضهم ويدوروا على بعضهم ويقطعوا ويريشوا بعضهم ...ينساو علاش ملمومين وويكثروا من التخرنين ، ينساو مشكلتك ويجيبو مشاكلهم مع بعضهم وبرا عاد اش بش يفصلها بيناتهم... وبيناتنا أك العلج إلي نستنى فيه هو سبب البلاء فين يسمع بينا بش نتلموا يكثر من التليفونات ويبعث واحد إلى أولاد عمي يملالهم قلوبهم ويوصيهم ويكذب عليهم باش مانتفاهموش على خاطر إذا تفاهمنا اتباصى هو وجماعتو ... هذاكة علاش أنا وولاد عمي مانجمنا نتفاهمو كان على حاجة برك... قلي اشنية ... تي طلع تربح ... ساهلة ياسر راهي... تفاهمنا على كوننا مانتفاهمو في شيء واحنا نحمدو ربي على المفاهمة هاذي على خاطر من غيرها نقعدو ديما مناش متفاهمين في حتى شيء ... ولاد عمي الكثرة وقلة البركة لا ناقصهم مال ولا أصل ولا قوة أما البونتوات والحكايات الفارغة مفرقتهم وزيد دخلوا البراني بيناتهم زادهردها وخلاوهم هكاكة النفس لا إلي يحب يكبر ويقري وليداتو ويتلنصى يقصلو جوانحو إلى يحب يتخلص منو ويريقل أمورو وحدو وإلا يعمل شركة هو وواحد وإلا اثنين من ولاد عمو يبلبزلو الحسبة ويفرقلو اللمة... بلي عملو مانجموا يعملو شيء على خاطرهم في الأصل متورطين معاهم ومسلفهم فلوس ويعطي فيهم في العلفة عام الزمة... أما إنشاء الله وليداتهم يعملوا على أرواحهم وينظفوا ديارهم ويتلموا مع ولاد عمهم على الخير باش ينجمو يعيشو من غير ها العلج إلي نستنى فيه... وأنا علاش نستنى في ها القايلة الحنانية حتى من الناس ولات تتلسن علي ... أيا نمرق فيه وخلي إلي بش يصير يصير واله لا ترد فاس على هراوة وإلي قاعد نستنى بيه في باب العلولج نمشي نعمل بيه قهوة في باب الشهداء
3 commentaires:
يعطيك الصحة وربي يقدرك باش تتحمل العرق راهو صعيب وما نجمو حد لتو.اما العلج من غير ما تستناه في باب العلوج.العلوج كثرو في وقتنا وين تمشي تلقاهم الله يقطع الدابر متاعهم.حصيلو ما نطولش عليك ذكرتني برشة بالدوعاجي وهذاكة علاش سميتك علي الدوعاجي القيرواني.
شرف كبير أن أصل إلى مستوى الكتابة الدوعاجية حسب ما قلتموه... أنا أكتب بصدق محاولا إخفاء صدقي ما استطعت
الاستاذ الفاضل عادل النقاطي
وجدت اليوم ظالتي في نمط من الكتابة كان يؤرقني في يوم من الأيام ولما قرأت هذا النص تبين لي أن ما قمت به سابقا هو من صلب الحقيقة ، اذا صادف ان تحدثنا مستقبلا سأعطيك تفاصيل اخرى . نورالدين العيشاوي
Enregistrer un commentaire